កម្លាំងមន្រ្តីឧទ្យានុរក្សនៃមន្ទីរបរិស្ថានខេត្តពោធិសាត់ និងកម្លាំងកងរាជអាវុធហត្ថលើផ្ទៃប្រទេស សារអន្ទាក់ខ្សែលីឡុងបានចំនួន ២៥ ខ្សែ នៅតំបន់ជួរភ្នំក្រវាញ

ថ្ងៃទី១២ ខែតុលា ឆ្នាំ២០២៤ លោក អ៊ុប ណារិទ្ឋ លោក ញឹម ម៉ាប់ កម្លាំងមន្រ្តីឧទ្យានុរក្សការិយាល័យឧទ្យានជាតិនៃមន្ទីរបរិស្ថាន ខេត្តពោធិសាត់ ដែលកំពុងអនុវត្តគម្រោងកម្មវិធីការពារព្រៃឈើតំបន់ជួរភ្នំក្រវាញ ប្រចាំស្នាក់ការអូរសោមថ្មីបានដឹកនាំកម្លាំង កងរាជអាវុធហត្ថលើផ្ទៃប្រទេស អនុវត្តគម្រោងការពារព្រៃឈើជួរភ្នំក្រវាញ គាំទ្រដោយអង្គការ (WA ) ចុះប្រតិបត្តិការស្រាវជ្រាវ រុករកបទល្មើសធនធានធម្មជាតិ (ឧទ្យានជាតិជួរភ្នំក្រវាញ) ទទួលបានលទ្ធផលដូចខាងក្រោម៖

-ចំណុចស្ពានខ្ពស់ និយាមការលេខ ( 0295768-1323240 )ភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់ ក្រុមការងារសារអន្ទាក់សត្វប្រភេទខ្សែលីឡុងបានចំនួន ២៥ ខ្សែ។ វត្ថុតាងខាងលើបានរក្សាទុកនៅស្នាក់ការអូរសោមថ្មី ៕