អន្ទាក់ដាក់យកសត្វព្រៃ ៣០១ខ្សែ សន្ទូចកន្ធាយ ៩៥ ផ្លែ ត្រូវកម្លាំងដែនជម្រកសត្វព្រៃតាតៃ ស្នាក់ការល្បាតវាលពីរ នៃមន្ទីរបរិស្ថានខេត្តកោះកុង ដកហូត

នៅថ្ងៃទី ១៨ ខែវិច្ឆិកា ឆ្នាំ ២០២៤ កម្លាំងមន្ត្រីឧទ្យានុរក្ស បានសហការជាមួយកងរាជអាវុធហត្ថ និងអង្គការសម្ព័ន្ធមិត្តសត្វព្រៃ បានធ្វើការល្បាត រុករក ទប់ស្កាត់ និងបង្ក្រាបបទល្មើសធនធានធម្មជាតិត្រង់ចំណុចនិយាមកា(០៣២០៥៥៨_១២៨៣៣៦៧) បានធ្វើការដោះអន្ទាក់សម្រាប់ដាក់យកសត្វព្រៃចំនួន ៣០១ខ្សែ សន្ទូចកន្ធាយចំនួន ៩៥ផ្លែ និងរុះរើជំរំបានចំនួន ០១កន្លែង អញ្ញាតជន ស្ថិតនៅភូមិគគីរជ្រុំ ឃុំឬស្សីជ្រុំ ស្រុកថ្មបាំង ខេត្តកោះកុង។

ចំពោះវត្ថុតាងក្រុមការងារបានយកមករក្សាទុកនៅស្នាក់ការល្បាតវាលពីរ ៕