មន្រ្តីការិយាល័យដែនជម្រកសត្វព្រៃកែវសីមា ខេត្តមណ្ឌលគិរី ឃាត់រថយន្តដឹកឈើសន្លឹក និងអ្នកបើកបរម្នាក់

ថ្ងៃទី ២២ ខែធ្នូ ឆ្នាំ ២០២៤ មន្រ្តីការិយាល័យដែនជម្រកសត្វព្រៃកែវសីមា បានដឹកនាំកម្លាំងសហគមន៍អូររណា ចំនួនសរុប១៤នាក់ ចុះទប់ស្កាត់ និងបង្រ្កាបបទល្មើសធនធានធម្មជាតិ ត្រង់ចំណុចខ្ទមអ្នកតាត្រពាំងកំផ្លោក ដែលមាននិយាមកា ៧០៣៤៨៩-១៣៤២៩០៥ ស្ថិតនៅក្នុងភូមិអូរណា ឃុំស្រែខ្ទម ស្រុកកែវសីមា បានធ្វើការចាប់ឃាត់រថយន្តម៉ាកសាំងយ៉ុង ពណ៍ទឹកប្រាក់ចង្កូតឆ្វេង ពាក់ស្លាកលេខភ្នំពេញ 2D 1438 ចំនួនមួយគ្រឿង ដឹកឈើអារប្រភេទលេខ ១. ២. (ស្រឡៅ សុក្រម ឈើទាល) ចំនួន២៩ដើម /សន្លឹក ស្មើរនឹង ១. ២៨៩ ម៉ែតត្រីគុណ នឹងបានឃាត់ជនសង្ស័យម្នាក់ ឈ្មោះ ង៉ុក សុកទឹង ជាអ្នកបើកបរ។ វត្ថុតាងដកហូតរួមមាន៖

១. ឈើប្រភេទលេខ ១-២ (ស្រឡៅ សុក្រម ឈើទាល) ចំនួន២៩ដើម/សន្លឹក។
២. រថយន្តសាំងយ៉ុងពណ៍ទឹកប្រាក់ ចង្កូតឆ្វេង ពាក់ស្លាកលេខភ្នំពេញ 2D 1438។
៣. ទូសព្ទមួយគ្រឿង។
វត្ថុតាងទាំងអស់បានយកមករក្សាទុកនៅស្នាក់ការកណ្តាលកែវសីមា ចំណែកជនសង្ស័យ បញ្ជូនទៅមន្ទីរបរិស្ថានដើម្បីបន្តនីតិវិធីច្បាប់៕