ថ្ងៃទី២៦ ខែមីនា ឆ្នាំ២០២៥ លោក ភួង លីណា ប្រធានមន្ទីរ បានចូលរួម ក្នុងការរៀបចំនូវពិធី អបអរសាទរទិវាជាតិ ទីក្រុងស្អាតលើកទី១៣ ឆ្នាំ២០២៥ នៅសាលាវិទ្យាល័យតេជោសែនសំរោង ក្រោមអធិបតីភាព ឯកឧត្តម អ៊ុន សុភ័ក្រ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ ដែលមាន សមាសភាពចូលរួមសរុប ៦៥០នាក់។
កម្មវិធីនេះរៀបចំឡើង ក្នុងគោលបំណង ដើម្បីចូលរួមអបអរសាទរទិវាជាតិទីក្រុងស្អាត និងបានឆ្លុះបញ្ចាំង ពីសារៈសំខាន់ និង តួនាទីដ៏មានតម្លៃរបស់កម្លាំងយុវជន និងផ្តល់ ឱកាសឲ្យយុវជនយើង ចូលរួមកាន់តែសកម្មខ្លាំងថែមទៀត ក្នុងការងារ ជួយសង្គមជាតិ ជាពិសេសជួយដល់បុព្វហេតុ ទីក្រុងស្អាត ដោយអនុវត្ត តាមអនុសាសន៍ណែនាំដ៏ខ្ពង់ខ្ពស់ក្នុងសារលិខិតជារៀងរាល់ឆ្នាំ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជា ណាចក្រកម្ពុជា បានជំរុញលើកទឹកចិត្តបន្ថែមទៀត ដល់ថ្នាក់ដឹកនាំ និង មន្ត្រីរាជការទាំងអស់ខិតខំបំពេញភារកិច្ចនិងពិតជាបានចូលរួមចំណែកបំផុស និងលើកទឹកចិត្តដល់បងប្អូនទាំងអស់ ជាពិសេស យុវជន បន្ត យកចិត្តទុកដាក់កាន់តែខ្ពស់បន្ថែមទៀតក្នុងការលើកកម្ពស់ការអភិវឌ្ឍបៃតង ការផ្តល់នូវបដិសណ្ឋារកិច្ចល្អ ដែលរួមចំណែកដល់ការអភិវឌ្ឍ វិស័យទេសចរណ៍ និងការរីកចម្រើននៃសង្គមជាតិយើង ៕
