ឧទ្យានជាតិជួរភ្នំក្រវាញ ស្នាក់ការរងឧទ្យានុរក្សឆាយតាហ៊ីង ការិយាល័យឧទ្យានជាតិ នៃំន្ទីរបរិស្ថានខេត្តកោះកុង កម្លាំងមន្ត្រីឧទ្យានុរក្ស បានធ្វើការល្បាត រុករក ទប់ស្កាត់ និងបង្ក្រាបបទល្មើសធនធានធម្មជាតិត្រង់ចំណុចនិយាមកា(០៣៤៩១៨៥-១២៩១៤៥៣) បានធ្វើការដកហូតរណាយន្តធំចំនួន ០១គ្រឿង ពណ៌ស្លាទុំ ដែលជារបស់អញ្ញតជន ស្ថិតក្នុងភូមិប្រឡាយ ឃុំប្រឡាយ ស្រុកថ្មបាំង ខេត្តកោះកុង ក្នុងឧទ្យានជាតិជួរភ្នំក្រវាញ។ ចំពោះវត្ថុតាងក្រុមការងារបានយកមករក្សាទុកនៅស្នាក់ការរងឧទ្យានុរក្សឆាយតាហ៊ីង នៅថ្ងៃទី ២០ ខែមេសា ឆ្នាំ ២០២៤ ។
ចំណែកនៅតំបន់ប្រើប្រាស់ច្រើនយ៉ាងដងពែង ស្នាក់ការល្បាតឆាយអារ៉ែងកម្លាំងមន្ត្រីឧទ្យានុរក្ស បានសហការជាមួយកងរាជអាវុធហត្ថ និងអង្គការសម្ព័ន្ធមិត្តសត្វព្រៃ បានធ្វើការល្បាត រុករក ទប់ស្កាត់ និងបង្ក្រាបបទល្មើសធនធានធម្មជាតិត្រង់ចំណុចនិយាមកា(៣៣៤៧៥៦_១២៩០៥៤៧) បានធ្វើការដកហូតរណាយន្តធំចំនួន ០២គ្រឿង ពណ៍ស្លាទុំ ដែលជារបស់អញ្ញាតជន ស្ថិតនៅភូមិត្រពាំងឈើត្រាវ ឃុំឬស្សីជ្រុំ ស្រុកថ្មបាំង ខេត្តកោះកុង ក្នុងឧទ្យានជាតិជួរភ្នំក្រវាញ។ ចំពោះវត្ថុតាងក្រុមការងារបានយកមករក្សាទុកនៅស្នាក់ការល្បាតឆាយអារ៉ែង។
