ឈ្មោះ ម៉ឹង រដ្ឋា ភេទប្រុស អាយុ ៤៨ ឆ្នាំ ជាប្រធានសហគមន៍ព្រៃឈើភ្នំជម្រកសត្វភូមិឆ្នាំង បច្ចុប្បន្នរស់នៅភូមិឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ត្រូវបានកម្លាំងឧទ្យានុរក្សឃាត់ខ្លួនកាលពីថ្ងៃទី ១២ ខែមករា ឆ្នាំ ២០២៤ ត្រូវតុលាការចេញដីកាបង្គាប់ឲ្យឃុំខ្លួន ពីបទកាប់គាស់ រុការានដីព្រៃ ធ្វើជាកម្មសិទ្ធិ និង បទញុះញង់ឲ្យប្រព្រឹត្តបទឧក្រិដ្ឋ នៅចំណុចអូរឆ្កូត ស្ថិតក្នុងតំបន់ដែនជម្រកសត្វព្រៃឈេប ព្រះរកា (អតីតរបៀងអភិរក្សជីវចម្រុះប្រព័ន្ធតំបន់ការពារធម្មជាតិ) ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង កាលអំឡុងឆ្នាំ ២០២៣ និងថ្ងៃទី ២០ ខែមិថុនា ឆ្នាំ ២០២៤ ។
ទោសនេះជាបទល្មើសព្រហ្មទណ្ឌដែលមានចែង និងប្បញ្ញត្តិ ផ្តន្ទាទោសតាមមាត្រា ៥៦ កថាខណ្ឌទី១ ចំណុចទី ៤ មាត្រា ៦២ កថាខណ្ឌទី ១ ចំណុចទី ១ នៃច្បាប់ស្តីពីតំបន់ការពារធម្មជាតិ និង មាត្រា ៤៩៥ នៃក្រមព្រហ្មទណ្ឌ ។ តុលាការសម្រេចឲ្យឃុំខ្លួនបណ្តោះអាសន្នលេខ ៦១០ ចុះថ្ងៃទី ២៦ ខែមិថុនា ឆ្នាំ ២០២៤ ។ រយៈពេលឃុំខ្លួនបណ្តោះអាសន្ន គិតរាប់ពីថ្ងៃទី ២៦ ខែមិថុនា ឆ្នាំ ២០២៤ និងមិនឲ្យហួសថ្ងៃទី ២៦ ខែធ្នូ ឆ្នាំ ២០២៤ លើកលែងតែមានដីកាបង្គាប់របស់តុលាការផ្សេងពីនេះ ៕
