បន្ទាយមានជ័យ៖ រដ្ឋបាលខេត្តបន្ទាយមានជ័យ បានសម្រេចបិទព្រំដែនជាបណ្តោះអាសន្នសម្រាប់អ្នកដំណើរចេញ-ចូល រវាងខេត្តបន្ទាយមានជ័យ និងខេត្តស្រះកែវ ប្រទេសថៃ រយៈពេល១៤ថ្ងៃ គិតចាប់ពីវេលាម៉ោង២៣៖៥៩នាទី នាថ្ងៃទី២៩ ខែកក្កដា ឆ្នាំ២០២១ រហូតដល់ថ្ងៃទី១២ ខែសីហា ឆ្នាំ២០២១ សម្រាប់អ្នកដំណើរចេញ-ចូល (ពលករ អាជីវករ និងពាណិជ្ជករ) លើកលែងតែការដឹកជញ្ជូនទំនិញ និងករណីពិសេសដែលមានការអនុញ្ញាតរបស់អាជ្ញាធរមានសមត្ថកិច្ច ជាអាទឹករអ្នកជំងឺសង្គ្រោះបន្ទាន់។

(ភ្នំពេញ)៖ លោកស្រី ឱ វណ្ណឌីន បានអំពាវនាវដោយទទូចដល់ប្រជាពលរដ្ឋ ឱ្យមានភ្ញាក់រលឹក ព្រោះថាឃើញបងប្អូនយើងមួយចំនួន ហាក់ដូចជាភ្លេចខ្លួន និងមានសំអាងទៅលើការចាក់វ៉ាក់សាំងការពារជំងឺកូវីដ១៩ ហើយភ្លេចវិធានការការពារខ្លួន ដោយមានការប្រមូលផ្ដុំហូបចុបជុំគ្នា ការជួយជុំគ្នាច្រើន គឺជាការបង្កឱកាសឱ្យមានរីករាលដាលជំងឺកូវីដ១៩ធំណាស់ ជាពិសេសសូមកុំភ្លេចថា ក្នុងបរិបទនៃការរាតត្បាតវីរុសបម្លែងថ្មី។

លោកជំទាវឧបនាយករដ្ឋមន្រ្តី ម៉ែន សំអន រដ្ឋមន្ត្រីក្រសួង ទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុងពិធីប្រកាស ទទួលស្គាល់សមាសភាពគណៈកម្មការសាខា សមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងមហាផ្ទៃ តាមរយៈ ប្រព័ន្ធ ZOOM ដែលជារបៀបធ្វើការតាមគន្លងថ្មី នាព្រឹកថ្ងៃចន្ទ ២រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២៦ ខែកក្កដា ឆ្នាំ២០២១។

យោងតាមការចុះផ្សាយរបស់ក្រសួងព័ត៌មានបានឱ្យដឹងថា រដ្ឋបាលខេត្តតាកែវ បានចេញសេចក្ដី ជូនដំណឹងដោយបានសម្រេច ផ្អាក ការលក់ដូរនៅក្នុងផ្សារ អង្គតាសោម និងបរិវេណផ្សារ ជាបណ្ដោះអាសន្ន ដែលស្ថិតនៅ ភូមិអង្គតាសោម ឃុំអង្គតាសោម ចាប់ពីម៉ោង ១៤:០០នាទី រសៀល ថ្ងៃទី២៤​ ខែកក្កដា ឆ្នាំ២០២១ រហូតដល់ មានសេចក្ដីជូនដំណឹងជាថ្មី និងបានកំណត់ ជាតំបន់ មានអ្នក វិជ្ជមានជំងឺកូវីដ១៩ ប៉ះពាល់ដោយផ្ទាល់ និងប្រយោលជាច្រើននាក់ ពាក់ព័ន្ធ ព្រឹត្តិការណ៍ សហគមន៍ ២០កុម្ភៈ ។ នេះបើយោង តាមសេចក្ដីជូនដំណឹងរបស់ រដ្ឋបាលខេត្តតាកែវ ដែល ទទួលបាននៅរសៀលថ្ងៃទី២៤ ខែកក្ដដា ឆ្នាំ២០២១នេះ។

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានផ្ញើសារលិខិតមួយជូន លោក លី ខឺឈាង នាយករដ្ឋមន្រ្តីចិន ដើម្បីចូលរួមរំលែកទុក្ខចំពោះ ករណីគ្រោះទឹកជំនន់នៅក្នុងខេត្តហឺណាន ភាគកណ្តាលប្រទេសចិន ដែលបណ្តាលឱ្យមនុស្សស្លាប់ និងរងគ្រោះរាប់លាននាក់ ព្រមទាំងខូចខាតទ្រព្យសម្បត្តិយ៉ាងធ្ងន់ធ្ងរ។

ឯកឧត្ដម បានបន្តថា ក្រុមការងារបច្ចេកទេសក្រសួង បានចុះពិនិត្យកំណាត់ផ្លូវជាតិលេខ៣ និងបានណែនាំឱ្យក្រុមហ៊ុនសាងសង់ កែសម្រួល និងបំពេញបន្ថែមចំណុចខ្វះខាតដែលនៅសេសសល់មួយចំនួនតូច ដើម្បីធានាធ្វើយ៉ាងណាឱ្យផ្លូវមានគុណភាពរឹងមាំស្របតាមបទដ្ឋានបច្ចេកទេស និងលក្ខខណ្ឌកិច្ចសន្យាសាងសង់ មុននឹងធ្វើការដាក់ឱ្យប្រជាពលរដ្ឋប្រើប្រាស់បណ្តោះអាសន្ន។ ឯកឧត្តម បានអំពាវនាវឱ្យប្រជាពលរដ្ឋ និងអ្នកប្រើប្រាស់ផ្លូវទាំងអស់ចូលរួមគោរពច្បាប់ចរាចរណ៍ទាំងអស់គ្នា និងចូលរួមថែរក្សាទ្រព្យសម្បត្តិជាតិឱ្យបានគង់វង្ស អាចប្រើប្រាស់បានយូរអង្វែង ដោយហេតុថា រាជរដ្ឋាភិបាលបានខិតខំប្រឹងប្រែងរកថវិកាមកសាងសង់ដោយលំបាក និងបានទទូចកុំឱ្យប្រថុយប្រថាននឹងការដឹកជញ្ជូនលើសទម្ងន់កម្រិតកំណត់ដែលបង្កឱ្យផ្លូវឆាប់ខូច បង្កគ្រោះថ្នាក់ចរាចរណ៍ កុំបើកលើសល្បឿនកំណត់ដោយច្បាប់ ជាដើម។

(ភ្នំពេញ)៖ លោកស្រីកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នៅថ្ងៃទី២២ ខែកក្កដា ឆ្នាំ២០២១ បានទទួលអំណោយជាសម្ភារប្រយុទ្ធ ប្រឆាំងនឹងកូវីដ-១៩ ពីឧកញ៉ា លី ឃុនថៃ ប្រធានសមាគមស្បែកជើងកម្ពុជា នៅទីស្តីការក្រសួង។

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញជាអធិបតីក្នុងកិច្ចប្រជុំបូកសរុបសកម្មភាពការងារ និងការរៀបចំវេទិការសាធារណៈប្រចាំឆមាសទី១ និងលើកទិសដៅអនុវត្តបន្តឆ្នាំ ២០២១ របស់ក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី ៤ របស់រាជរដ្ឋាភិបាលកម្ពុជា តាមប្រព័ន្ធ Zoom នាព្រឹកថ្ងៃអង្គារ ១១កើត ខែទុទិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២០ ខែកក្កដា ឆ្នាំ២០២១។ឆ្លៀតឱកាសនោះ លោកជំទាវក៏បានកោតសរសើរ និងវាយតម្លៃខ្ពស់ចំពោះលទ្ធផលដែលក្រុមការងារចុះមូលដ្ឋានគ្រប់ថ្នាក់ ដែល បានយកចិត្តទុកដាក់សហការ បំពេញភារកិច្ចសម្រេចបានជោគជ័យជាបន្ដបន្ទាប់ ជាពិសេស ការទប់ស្កាត់ជំងឺឆ្លងកូវីដ-១៩ ការរក្សាសន្ដិសុខ ស្ថិរភាពនយោបាយ សណ្ដាប់ធ្នាប់ សាធារណៈបានល្អប្រសើរ ក្នុងការអនុវត្តដោយជោគជ័យយ៉ាងត្រចះត្រចង់ មានការអភិវឌ្ឍលើគ្រប់វិស័យ តាំងពីថ្នាក់ខេត្តរហូតដល់គ្រប់មូលដ្ឋាន ភូមិ-ឃុំ-សង្កាត់ទូទាំងខេត្ត រួមចំណែកយ៉ាងខ្លាំងក្លាលើកកម្ពស់ជីវភាពរស់នៅរបស់ប្រជាជនកាន់តែល្អប្រសើរ បង្កើនបាន នូវជំនឿ ជឿជាក់លើការដឹកនាំរបស់រាជរដ្ឋាភិបាលកម្ពុជា។ដើម្បីបន្តការតាមដាន ការអនុវត្តយុទ្ធសាស្ត្រចតុកោណតំណាក់កាលទី៤ របស់រដ្ឋាភិបាលអណត្តិទី ៦ នៃរដ្ឋសភា ក្រុមការងារត្រូវប្រឹងប្រែងរួមគ្នាបំពេញកិច្ចការសំខាន់ៗ មួយចំនួនដូចខាងក្រោម ៖ទី១) ដោយសារជម្ងឺកូវីដ១៩ បានរាលដាលចូលសហគមន៍នៅខេត្តស្វាយរៀង ដូច្នេះ ក្រុមការងារត្រូវផ្អាកការប្រជុំជាទ្រង់ទ្រាយធំជាមួយប្រជាជនមូលដ្ឋាន។ បើចាំបាច់ត្រូវប្រជុំតាម Zoom ឬប្រាស្រ័យទាក់ទងគ្នាតាម បណ្តាញសង្គម ដូចជា Telegram, messenger, WhatsApp ជាដើម ដែលជារបៀបធ្វើការតាមរបៀបបច្ចេកវិទ្យាថ្មី ។ទី២) ផ្តោតការយកចិត្តទុកដាក់ លើការជួយឧបត្ថម្ភ តាមដែលអាចធ្វើបានដល់គ្រួសារក្រីក្រដែលមានសមាជិកគ្រួសារបានទទួលមរណៈភាពដោយសារជំងឺកូវីដ១៩ និងអ្នកដែលកំពុងធ្វើចតាឡីស័ក។ទី៣) ត្រូវជម្រុញថ្នាក់មូលដ្ឋានឱ្យធ្វើអំពើល្អ និងផ្តល់សេវាសាធារណៈ និងសេវាសំណូមពរឱ្យបានឆាប់រហ័ស ជូនប្រជាពលរដ្ឋដើម្បីទាក់ទាញការគាំទ្រពីពួកគាត់លើរាជរដ្ឋាភិបាល។ទី៤) គ្រប់ថ្នាក់ ជាពិសេស ថ្នាក់ភូមមិ ឃុំ ត្រូវចេះប្រើមធ្យោបាយបណ្តាញសង្គម។ តែត្រូវប្រើដោយប្រុងប្រយ័ត្ន និងដោយការត្រិះរិះពិចារណា គឺបង្ហោះតែសារណាដែលមានប្រយោជន៍ បង្ហោះនូវសមិទ្ធិផលរបស់បក្ស អំពើល្អរបស់ថ្នាក់ដឹកនាំបក្ស ។ ត្រូវជៀសវាងនូវសារនាដែលធ្វើឲ្យបះពាល់កិត្យាននុភាពជាតិ ឬប៉ពាល់ដល់កិត្តិរបស់ថ្នាក់ដឹកនាំ ជាដើម ។ល។ទី៥) យើងត្រូវខិតខំរក្សានូវលទ្ធផលការងារដែលយើងធ្វើបាន ហើយដកពិសោធន៍ជាមួយនឹងការងារដែលយើងកំពុងនឹងប្រឈម និងការងារដែលមិនទាន់អនុវត្តបាន ។ទី៦) សូមសមត្ថកិច្ចពាក់ព័ន្ធ និងអនុគណៈកម្មការគ្រប់គ្រងច្រកទ្វារចេញ-ចូលប្រទេស និងការធ្វើចត្តាឡីស័ក ត្រូវយកចិត្តទុកដាក់ពង្រឹងសមត្ថភាពការធ្វើចត្តាឡីស័កចំពោះពលករ និងប្រជាពលរដ្ឋដែលឆ្លងដែនចូលព្រះរាជាណាចក្រកម្ពុជា ឱ្យបានម៉ត់ចត់ ដើម្បីទប់ស្កាត់ការឆ្លងរាលដាលជំងឺកូវីដ-១៩ បំប្លែងថ្មី DELTA ដ៏កាចសាហាវនេះ ។

បុរាណាចារ្យខ្មែរ បានឆ្លាក់ រឿងនេះ នៅលើជញ្ជាំងប្រាសាទអង្គរវត្ត មានបណ្តោយ ៤៩ម៉ែត្រ និងកម្ពស់២ម៉ែត្រ មានរូបក្រុមអសុរៈ (យក្ស ) នៅខាងឆ្វេងដៃ ចំនួន ៩២អង្គ និងរូបក្រុមទេវៈនៅខាងស្តាំដៃ ចំនួន៨៨អង្គ ។ រឿងកូរសមុទ្រទឹកដោះ មានកំណើតឡើងនៅរវាងសតវត្សរ៍ទី១១ ក្នុងរជ្ជកាលព្រះបាទឧទ័យាទិត្យវរ្ម័នទី២ (១០៥០-១០៦៦) នៃគ្រិស្តសករាជ ក្នុងរចនាបថបាពួន ។

យោងតាមការបញ្ជាក់នៅលើគណនីហ្វេសប៊ុករបស់លោក ឃឹម ហ្វីណង់ អភិបាលស្រុកបន្ទាយស្រី បានឲ្យដឹងថា ផ្សារព្រះដាក់នឹងត្រូវបានរើទៅកាន់ទីតាំងថ្មីមួយជាបណ្តោះអាសន្នសិនសម្រាប់រយៈពេល១ខែ ដើម្បីបញ្ជៀសហានិភ័យនៃការរីករាលដាលឆ្លងនៃមេរោគកូវីដនៅក្នុងសហគមន៍ ដោយហេតុតែទីតាំងបច្ចុប្បន្នមានភាពតូចចង្អៀត និងមិនមានខ្យល់ចេញចូលបានល្អ ជាពិសេសក្នុងកាលៈទេសៈដែលបងប្អូនប្រជាពលរដ្ឋនៅក្នុងឃុំព្រះដាក់ត្រូវមានការប្រុងប្រយត្ន័ខ្ពស់មិនឱ្យមានផ្ទុះឆ្លងនៅក្នុងសហគមន៍ក្នុងអំឡុងពេលដែលកំពុងរង់ចាំការចាក់វ៉ាក់សាំងដូសទី២។ការរៀបចំនៅលើផ្លូវបេតុងថ្មីនេះនឹងផ្តល់ភាពងាយស្រួលដល់អ្នកព្រះដាក់ក្នុងការទិញអីវ៉ាន់បំពេញតម្រូវការចាំបាច់របស់ខ្លួន និងអនុញ្ញាតឱ្យបងប្អូនអាជីវករជាអ្នកលក់ដូរនៅក្នុងផ្សារ អាចបន្តមុខរបរប្រចាំថ្ងៃរបស់ខ្លួនដើម្បីដោះស្រាយបញ្ហាប្រឈមទៅលើជីវភាពរបស់ពួកគាត់ផងដែរ។ កន្លែងលក់បណ្តោះអាសន្ននេះនឹងធ្វើឡើងតែក្នុងរយៈពេលមួយខែប៉ុណ្ណោះ ដែលរៀបចំជារបៀប ”ផ្សារក្រមួន” នៅលើទីវាល មានគម្លាតត្រឹមត្រូវ ហើយក្រុមការងារសហគមន៍នឹងផ្តល់ការសម្របសម្រួលគ្រប់រូបភាព ទាំងលើបញ្ហាសណ្តាប់ធ្នាប់ សំរាម ចំណត និងការគ្រប់គ្រងទូទៅផ្សេងៗទៀត។

-គ្រាន់ តែឮ ទណ្ឌិតមេឧទ្ទាម សមរង្សុី ចង់ស្នេីបង្កេីតរដ្ឋាភិបាលរួបរួមជាតិមួយ យេីងនឹកស្រមៃភ្លាមទៅដល់ "ការបង្កេីតរដ្ឋាភិបាលស្រោចស្រង់ជាតិ" នាខែសីហា ឆ្នាំ ១៩៦៩ ដែលមាន លន់ណុល ជានាយកដ្ឋមន្រ្តី ទ្រង់ សិរិមតៈ ជាឧបនាយករដ្ឋមន្រ្តី និងការរៀបចំ ធ្វើ រដ្ឋប្រហារ ទម្លាក់ សម្តេច ព្រះនរោត្តម សីហនុ នៅថ្ងៃទី ១៨ មីនា ឆ្នាំ ១៩៧០ ដែលគាំទ្រដោយ សេអុីអា អាមេរិក ហេីយ ក៍បានអូសកម្ពុជាទម្លាក់ចូលទៅក្នងភ្នក់ភ្លេីងសង្រ្គាមឆេះយ៉ាងសន្ធោសន្ធៅ ។ -បន្ទាប់ មករដ្ឋប្រហារ នេះក៍វាបានបង្កឱកាសឲ្យ ពួកខ្មែរក្រហមកសាងកម្លាំងវាយផ្តួលរំលំរបប លន់ណុល ឡេីងកាន់អំណាច បង្កើត ឡើង នូវ របប វាលពិឃាដសម្លាប់ រង្គាល ប្រជាជន ឯងយ៉ាងវេទនារកទីបំផុតគ្មាន ។

រដ្ឋបាលខេត្តស្ទឹងត្រែង បានប្រកាសថា នៅថ្ងៃទី ១៨ ខែកក្កដា គ្មានអ្នកឆ្លងកូវីដ១៩ នោះទេ នៅបរិវេណទឹកដីក្នុងខេត្តមួយនេះ ខណៈអ្នកឆ្លងសរុប ៤៤៩ នាក់ និងជាសះស្បើយ ២៨៥ នាក់ និងស្លាប់ម្នាក់។បើតាមរដ្ឋបាលខេត្ត ក្នុងរយៈពេលប៉ុន្មានថ្ងៃចុងក្រោយនេះ ត្រូវបានគេមើលឃើញថា ស្ថានភាពការរីករាលដាលជំងឺកូវីដ១៩ នៅខេត្តស្ទឹងត្រែង មានការថមថយច្រើន រកឃើញអ្នកឆ្លងតិចតួច នឹងមានអ្នកជាសះស្បើយច្រើនគួរឱ្យកត់សម្គាល់។

រាជរដ្ឋាភិបាលកម្ពុជា បានសម្រេចឱ្យក្រសួងទេសចរណ៍ប្រកាសជ្រើសរើសភូមិគំរូចំនួន ៣ ដើម្បីដាក់ជាបេក្ខភាពចូលរួមប្រកួតប្រជែង «ភូមិទេសចរណ៍ឆ្នើម (Best Tourism Village)» ជាមួយភូមិគំរូដទៃទៀតនៅជុំវិញពិភពលោក ក្រោមការរៀបចំរបស់អង្គការទេសចរណ៍ពិភពលោក (UNWTO)។ នេះបើយោងតាមការចុះផ្សាយរបស់ក្រសួងទេសចរណ៍ នាថ្ងៃទី១៦ ខែកក្កដា ឆ្នាំ២០២១នេះ។ឯកឧត្តម​ ទ្រី ឈីវ ប្រធាននាយកដ្ឋានសហប្រតិបត្តិការអន្តរជាតិ និងអាស៊ាន នៃក្រសួងទេសចរណ៍ បានថ្លែងឱ្យដឹងថា នៅជំហានដំបូងនេះ រាជរដ្ឋាភិបាលបានសម្រចឱ្យក្រសួងទេសចរណ៍សហការជាមួយក្រសួង-ស្ថាប័នពាក់ព័ន្ធ ប្រកាសជ្រើសរើសភូមិគំរូចំនួន ៣ នៅទូទាំងប្រទេស។ លោកបានបង្ហើបថា «យើងនឹងពិនិត្យលើលទ្ធភាពនៅតាមភូមិតេជោទាំង ១០០ ភូមិ»។

(ភ្នំពេញ)៖ លោកជំទាវកិត្តិសង្គហបណ្ឌិត ម៉ែន សំអន ប្រធានសមាគមមិត្តភាព កម្ពុជា-វៀតណាម បានសម្រេចជួយឧបត្ថម្ភថវិកាចំនួន ៥ម៉ឺនដុល្លារ ជូនដល់សមាគមមិត្តភាព វៀតណាម-កម្ពុជា តាមរយៈស្ថានទូតវៀតណាមប្រចាំនៅកម្ពុជា ក្នុងការចូលរួមដល់យុទ្ធនាការទប់ស្កាត់ការរីករាលដាលជំងឺកូវីដ-១៩ នៅប្រទេសវៀតណាម។

នៅថ្ងៃទី១៣ ខែកក្កដា ឆ្នាំ២០២១នេះ ក្រសួងធនធានទឹក និងឧតុនិយម បានចេញសេចក្តីជូនដំណឹង​ស្ដីពី ស្ថានភាពធាតុអាកាស ចាប់ពីថ្ងៃទី១៤-២០ ខែកក្កដា ឆ្នាំ២០២១ ដោយចាប់ពីថ្ងៃទី១៣-១៤ ប្រទេសកម្ពុជា បាន និងកំពុងទទួលនូវឥទ្ធិពល​នៃ​ជ្រលងសម្ពាធទាប។ បន្តពីថ្ងៃទី១៥-២០ ប្រព័ន្ធសម្ពាធទាប ITCZ នឹងកើតឡើងសារជាថ្មី ហើយបង្កើនឥទិ្ធពលរបស់ខ្លួនជាលំដាប់ ដោយអូសបន្លាយកាត់លើព្រះរាជាណាចក្រកម្ពុជា គួបផ្សំនឹងខ្យល់​មូសុងនិរតីក៏មានល្បឿនជាបង្គួរផងដែរ។ ស្ថានភាពបែបនេះនឹងធ្វើឱ្យ៖១. បណ្តាខេត្តនៅតំបន់វាលទំនាបកណ្តាល– សីតុណ្ហភាពអប្បបរមា មានពី ២៤-២៦ °C– សីតុណ្ហភាពអតិបរមា មានពី ៣១-៣៣ °C– នឹងអាចមានភ្លៀងធ្លាក់ក្នុងកម្រិតពីមធ្យម ទៅច្រើនលាយឡំនឹងផ្គរ រន្ទះ ខ្យល់កន្ត្រាក់។ ក្នុងអំឡុងពេលជាមួយគ្នាផងដែរផ្នែកខ្លះ នៃបណ្តាខេត្តមួយចំនួន ក៏នឹងអាចមានភ្លៀងធ្លាក់ក្នុងកម្រិតខ្លាំង។

រដ្ឋបាលរាជធានីភ្នំពេញ​កាលពីថ្ងៃទី​១២ ខែកក្កដា ឆ្នាំ២០២១ ម្សិលមិញនេះបានចេញសេចក្ដីសម្រេច ស្ដីពីការបើកដំណើរការឡើងវិញចំពោះផ្សារបឹងកេងកង មានទីតាំងស្ថិតក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ គិតចាប់ពីម៉ោងសូន្យ នាថ្ងៃទី១៣ ខែកក្កដា ឆ្នាំ២០២១តទៅ បន្ទាប់ពីបានអនុវត្តវិធានការ និងពិនិត្យលើស្ថានភាពជាក់ស្ដែង។

​ភ្នំពេញ​ ៖​ នា​រសៀល​ថ្ងៃ​ទី​១២​ ខែកក្កដា​ ឆ្នាំ​២០២១​ ​នៅ​គោលដៅ​យក​សំណាក​ទី​រួម​ផ្សារ​កណ្ដាល​ នៅ​ចំណុច​ផ្លូវ​លេខ​១៤៨​ កែង​ផ្លូវ​១៣​ ភូមិ​៦​ សង្កាត់​ផ្សារ​កណ្ដាល​ទី​១​ ខណ្ឌដូនពេញ​ រាជធានី​ភ្នំពេញ​ ដោយ​ក្រុម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ​(TYDA)​ លើ​បុគ្គលិក​ និង​អាជីវករ​ផ្សារ​សរុប​ចំនួន​១៨២​នាក់​ ក្នុង​នោះ​ស្រី​ចំនួន​ ១១១​នាក់​ ។​​ក្រោយ​ពី​យក​សំណាក​ចប់​ បាន​រក​ឃើញ​អ្នក​វិជ្ជមាន​សរុប​ចំនួន​១៤​នាក់​ ក្នុង​នោះ​ស្រី​០៩​នាក់​ ក្រុម​គ្រូពេទ្យ​បាន​ដឹក​យក​ទៅ​ព្យាបាល​នៅ​មជ្ឈមណ្ឌល​កោះ​ពេជ្រ​ ។​ សរុប​រួម​ដោយ​គិត​ចាប់តាំងពី​ថ្ងៃ​ទី​១១​ ខែកក្កដា​ ឆ្នាំ​២០២១​ផង​នោះ​ អាជីវករ​ និង​បុគ្គលិក​ផ្សារ​កណ្តាល​ អ្នក​វិជ្ជមាន​វីរុស​កូ​វី​ដ​-១៩​ សរុប​ចំនួន​១៧​នាក់​ ក្នុង​នោះ​ស្រី​ចំនួន​០៩​នាក់​ ។

លោក ង៉ូវ កាង រដ្ឋលេខាធិការ​ក្រសួង​សុខាភិបាល​បាន​លើក​ឡើង​ពី​លក្ខខណ្ឌ​ចំនួន ៤ ចំណុច​ ទើប​អ្នកជំងឺ​កូវីដ​អាច​អនុញ្ញាតិ​ឲ្យ​សម្រាក​តាម​ផ្ទះ​បាន​មាន​ដូចតទៅ៖