មន្ត្រីឧទ្យានុរក្សប្រចាំការស្នាក់ការរងឃុំព្រៃចាស់ នៃមន្ទីរបរិស្ថានខេត្តបាត់ដំបង ចុះពិនិត្យមើលដីព្រៃលិចទឹក (ដីតំបន់៣ ក្បែរព្រំប្រទល់ ខេត្តបន្ទាយមានជ័យ)

ថ្ងៃទី១៧ ខែមករា ឆ្នាំ២០២៥ មន្ត្រីឧទ្យានុរក្សប្រចាំការស្នាក់ការរងឃុំព្រៃចាស់ ស្ថិតក្នុងតំបន់ប្រើប្រាស់ច្រើនយ៉ាងបឹងទន្លេសាប បានធ្វើការដើរល្បាត ត្រួតពិនិត្យមើលដីព្រៃលិចទឹក (ដីតំបន់៣ ក្បែរព្រំប្រទល់ ខេត្តបន្ទាយមានជ័យ) ចាប់ពីចំណុច ម៉េងម៉ូញ ជុំវិញបឹងអាស្រូល ក្រពើស្គម និងអាងតាយក្ស ស្ថិតក្នុងភូមិព្រៃចាស់ ឃុំព្រៃចាស់ ស្រុកឯកភ្នំ ខេត្តបាត់ដំបង។

ក្នុងការចុះត្រួតពិនិត្យលើទីតាំងនេះ កាលពីឆ្នាំកន្លងមកមានប្រជាពលរដ្ឋមករស់នៅក្នុងឃុំក្របៅ ស្រុកព្រះនេត្រព្រះ ខេត្តបន្ទាយមានជ័យ និងបានធ្វើស្រែ។ ជាលទ្ធផលក្រុមការងារសង្កេតឃើញថាពុំបានប្រទះការលួចភ្ជួររាស់ ឬធ្វើស្រែចំការទៀតឡើយ ៕