ថ្ងៃទី ១ មេសា ២០២៥ ការិយាល័យតំបន់ប្រើប្រាស់ច្រើនយ៉ាង លោក រិន រ៉ាន់ដា ប្រធានការិយាល័យ បានចូលរួមកិច្ចប្រជុំពិនិត្យវឌ្ឍនភាពការងារចុះពិនិត្យផ្ទៀងផ្ទាត់ និងចងក្រងទិន្ន័យក្បាលដីតាមបណ្តាឃុំ ស្រុកពាក់ព័ន្ធនឹងបឹងទន្លេសាប ក្នុងភូមិសាស្រ្តខេត្តពោធិ៍សាត់ ក្រោមកិច្ចដឹកនាំប្រជុំដោយ ឯកឧត្តម សុខ គាង រដ្ឋលេខាធិកាក្រសួងដែនដី នៅក្រសួងដែនដី។ កិច្ចពិភាក្សា និងរកដំណោះស្រាយបញ្ហាលើទីតាំងស្រុកទាំងបីជាប់បឹងទន្លេសាបក្នុងខេត្តពោធិ៍សាត់ ។
+ ស្រុកក្រគរ
– ឃុំអន្សាចំបក់(កោះទន្លាក្រាស់): ស្នើសុំអោយប្រជាពលរដ្ឋដែលអាស្រ័យផលលើដីជាប់មាត់ព្រៃ អោយមកអាស្រ័យផលលើកោះវិញ និងពង្រឹងការអនុវត្តន៍ច្បាប់
– ឃុំកំពង់លួង: រៀបចំសំអាតអនាម័យតំបន់មាត់ដោយរក្សានៅវប្បធម៌ ប្រពៃណី បង្កើនទេសចរណ៍ និងការរស់នៅរបស់ជានេសាទ
– ឃុំស្នាអន្សា: ផ្ទៀងផ្ទាត់ក្បាលដី និងកែសម្រួលបង្គោលព្រុំតំបន់៣ និងការកាត់ឆ្វៀលដីស្បែកខ្លា
+ ស្រុកកណ្តៀង
– ឃុំកញ្ជរ: ផ្ទៀងផ្ទាត់ក្បាលដី រំកិលបង្គោលព្រុំតំបន់៣
– ឃុំស្រែស្តុក: មន្រ្តីជំនាញបន្តអនុវត្តន៍ច្បាប់លើជនល្មើសដែលនៅបន្តការកាប់រុករាន និងការប្រើប្រាស់ដីដោយចីរភាពលើដីការពារទេសភាពបាកាន
+ ស្រុកបាកាន
– ឃុំមេទឹក: កែសម្រួលបង្គោលព្រុំតំបន់៣ និងការកាត់ឆ្វៀលដីស្បែកខ្លា និងការប្រើប្រាស់ដីដោយចីរភាពលើដីការពារទេសភាពបាកាន
– ឃុំស្នាមព្រះ ការប្រើប្រាស់ដីដោយចីរភាពលើដីការពារទេសភាពបាកាន
– ឃុំបឹងបត់កណ្តោល: កែសម្រួលបង្គោលព្រុំតំបន់៣ និងចូលរួមដាំកូនព្រៃលិចទឹក និងការប្រើប្រាស់ដីដោយចីរភាពលើដីការពារទេសភាពបាកាន។ ជាលទ្ធផលសរុបកិច្ចប្រជុំ និងធ្វើការបូកសរុបនៅកិច្ចប្រជុំលើកក្រោយ។
ការវាយតំលៃរួមរបស់ក្រុមការងារនោះគឺៈ ការប្រើប្រាស់ដីជាដីសហគមន៍ ការប្រើប្រាស់ដីដោយចីរភាព ការអភិរក្សហាមដាច់ខាតក្នុងដីតំបន់៣ និងដីតំបន់ស្នូល ៕
