នៅថ្ងៃទី១៣ ខែឧសភា ឆ្នាំ២០២៤ លោក នុប ឆាយ៉ា អនុប្រធានការិយាល័យ និងជាប្រធានក្រុមការងារទីបញ្ជាការស្រាលប្រចាំការនៅតំបន់អូរឃ្មង ក្នុងដែនជម្រកសត្វព្រៃព្រៃឡង់ ដឹកនាំក្រុមការងារចុះល្បាតដល់តំបន់ក្បាលអូរឃ្មង ចំណុចUTM569565-1417445 បានប្រទះឃើញជនសង្ស័យម្នាក់ កំពុងដឹកជញ្ជូនកូនស្វាយចន្ទីបម្រុងនឹងដាំក្នុងចំការដែលបានកាប់រានទន្ទ្រានព្រៃយកដីធ្វើចំការមួយកន្លែង កម្លាំងមន្ត្រីហ៊ុព័ទ្ធឃាត់ជនសង្ស័យមួយនាក់ គឺឈ្មោះ គ្រឿន រ៉ូន ភេទប្រុស អាយុ ៣១ ឆ្នាំ ទីលំនៅបច្ចុប្បន្នរស់នៅភូមិត្បែង ឃុំបឹងល្វា ស្រុកសន្ទុក ខេត្តកំពង់ធំ ។
បន្តល្បាតដល់ចំណុច569532-1417740 បានប្រទះឃើញជនសង្ស័យម្នាក់ កំពុងរានដុតសម្អាតចម្ការមួយកន្លែង ដែលបានកាប់រានទន្ទ្រានព្រៃយកដីធ្វើចម្ការ កម្លាំងមន្ត្រីហ៊ុមព័ទ្ធឃាត់ជនសង្ស័យមួយនាក់ គឺឈ្មោះ ទេព យឿន ភេទប្រុស អាយុ ៤៥ ឆ្នាំ ទីលំនៅបច្ចុប្បន្នរស់នៅភូមិអណ្តោត ឃុំបាក់ស្នារ ស្រុកបារាយណ៍ ខេត្តកំពង់ធំ។
បច្ចុប្បន្នជនសង្ស័យទាំងពីរនាក់ បានបញ្ជូនមកមន្ទីរបរិស្ថានខេត្ត ដើម្បីសួរនាំតាមនីតិវិធីច្បាប់ស្តីពីតំបន់ការពារធម្មជាតិ រួចកសាងសំណុំរឿងបញ្ជូនទៅសាលាដំបូងខេត្ត ៕
