ប៉ុន្មានថ្ងៃនេះ កម្លាំងផ្សេងៗ និងបងប្អូនប្រជាពលរដ្ឋនៃស្រុកអូររាំងឪ បានរួមគ្នាយ៉ាងមមាញឹក ដើម្បីត្រៀមរៀបចំសង្ក្រាន្តឆ្នាំថ្មី ២០២៤ ឲ្យមានភាពទាក់ទាញ និងបង្កការសប្បាយរីករាយជូនគ្រួសារពលរដ្ឋ យុវជន និង កុមារមកលេងកម្សាន្ត ។
ការស្រុះដៃគ្នាទាំងថ្ងៃ ទាំងយប់ អ្នកខ្លះកសាងរោង ក្លោងទ្វា និងការងារផ្សេងៗទៀត ស្ថិតនៅទីតាំងទន្លេស្ងួត ឬកន្លែងផ្សេងៗដែលបម្រើឲ្យការងារសង្ក្រាន្តទន្លេស្ងួត និងស្នើកិច្ចសហការពីបងប្អូនប្រជាពលរដ្ឋបន្ថែមទៀត ចូលរួមជួយកសាងសង្ក្រាន្តភូមិយើង ។ ភូមិយើង សង្ក្រាន្តយើង ក្តីសប្បាយរបស់យើងទាំងអស់គ្នា ។
ដើម្បីចូលរួមចំណែក ជាសម្ភារ ក្នុងការតុបតែងរៀបចំសង្រ្កាន្តអូររាំងឪ នៅបរិវេណទន្លេស្ងួត ស្ថិតនៅភូមិថ្នល់កែងឃុំ ព្រះធាតុ ស្រុកអូររាំងឪ គណៈកម្មការរៀបចំសង្ក្រាន្តអូររាំងឪ បានចាត់តាំងឲ្យលោកមេឃុំទាំង៧ ជួយរកធាងត្នោត បានមួយចំនួនសម្រាប់យកមកតុបតែងនៅទីតាំងសង្រ្កាន្តអូររាំងឪ ៕
