កាលពីរសៀលថ្ងៃទី២៣ មេសា ២០២៤ មានករណីអគ្គីភ័យឆេះព្រៃ និងឆេះដំណាំក្នុងចំការប្រជាពលរដ្ឋ អស់ប្រមាណ ១០ ហិកតា ស្ថិតនៅភូមិកែវក្រសាំង សង្កាត់កែប ក្រុងកែប ស្ថិតក្នុងតំបន់សហគមន៍នៃឧទ្យានជាតិកែប។ ករណីនេះ មន្ទីរបរិស្ថានបានសហការជាមួយកម្លាំងនគរបាលខេត្ត និងក្រុង ប្រជាពលរដ្ឋ សរុប៦៣នាក់ ចុះអន្តរាគមន៍ជួយពន្លត់ ដោយប្រើឡានទឹកចំនួន ៤គ្រឿង (ឡានស្នងការដ្ឋាននគរបាលខេត្ត ចំនួន២ គ្រឿង ឡានមន្ទីរបរិស្ថាន ចំនួន ២គ្រឿង) ដោយបានប្រើប្រាស់ទឹកអស់ ចំនួន ៤ឡាន បាញ់ពន្លត់គ្រប់គ្រងភ្លើងបានទាំងស្រុង ។
បន្ទាប់មក នៅវេលាម៉ោង ០៤:២០នាទី ល្ងាចថ្ងៃដដែល ហេតុការខាងលើបង្កឱ្យឆេះដើមធុរេន ចំនួន ៥១ដើម ដើមប័រ ចំនួន ៤០ដើម មង្ឃុត ចំនួន ៣០ដើម និងក្រូចថ្លុង ចំនួន ២០ដើម តែមិនរាលដាលបង្កឱ្យប៉ះពាល់លំនៅដ្ឋាន និងគ្រោះថ្នាក់ដល់មនុស្សឡើយ ៕
