-ថ្ងៃទី ២៨ ខែតុលា ឆ្នាំ ២០២៤ តំបន់ប្រើប្រាស់ច្រើនយ៉ាងដងពែង ស្នាក់ការតំបន់ប្រើប្រាស់ច្រើនយ៉ាងដងពែង នាយករងតំបន់ប្រើប្រាស់ច្រើនយ៉ាងដងពែង បានចូលរួម ប្រជុំគណៈបញ្ជាការឯកភាពស្រុកស្រែអំបិល ដឹកនាំលោកអភិបាលស្រុកស្រែអំបិល និងជាប្រធានគណៈបញ្ជាការឯកភាពស្រុកស្រែអំបិល ដោយមានការចូលរួមពី សមាជិកគណៈបញ្ជាការឯកភាពស្រុកស្រែអំបិល សរុប ២៩នាក់ស្ត្រី ៤នាក់។
-ដែនជម្រកសត្វព្រៃតាតៃ ស្នាក់ការល្បាតត្រពាំងរូង កម្លាំងមន្ត្រីឧទ្យានុរក្ស បានសហការជាមួយកងរាជអាវុធហត្ថ និងអង្គការសម្ព័ន្ធមិត្តសត្វព្រៃ បានធ្វើការល្បាត រុករក ទប់ស្កាត់ និងបង្ក្រាបបទល្មើសធនធានធម្មជាតិត្រង់ចំណុចនិយាមកា(៣១២៧៣៤_១២៥៨២៧៦) បានធ្វើការដោះអន្ទាក់សម្រាប់ដាក់យកសត្វព្រៃចំនួន ៥៦ខ្សែ អញ្ញាតជន ស្ថិតនៅភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង។ ចំពោះវត្ថុតាងក្រុមការងារបានយកមករក្សាទុកនៅស្នាក់ការល្បាតត្រពាំងរូង ។
-ដែនជម្រកសត្វព្រៃតាតៃ ស្នាក់ការល្បាតសហគមន៍អេកូទេសចរណ៍ ជីផាត កម្លាំងមន្ត្រីឧទ្យានុរក្ស បានសហការជាមួយកងរាជអាវុធហត្ថ និងអង្គការសម្ព័ន្ធមិត្តសត្វព្រៃ បានធ្វើការល្បាត រុករក ទប់ស្កាត់ និងបង្ក្រាបបទល្មើសធនធានធម្មជាតិត្រង់ចំណុចនិយាមកា(០៣៣២៥៨៦-១២៥៤៥៧៥) បានធ្វើការដោះអន្ទាក់សម្រាប់ដាក់យកសត្វព្រៃចំនួន ១៧ខ្សែ អញ្ញាតជន ស្ថិតនៅភូមិទឹកល្អក់ ឃុំជីផាត ស្រុកថ្មបាំង ខេត្តកោះកុង។ចំពោះវត្ថុតាងក្រុមការងារបានយកមករក្សាទុកនៅស្នាក់ការល្បាតសហគមន៍អេកូទេសចរណ៍ ជីផាត ៕
