ឯកឧត្តម អ៊ាង សុផល្លែត ត្រូវបានរាជរដ្ឋាភិបាលប្រគល់សិទ្ធិពេញសមត្ថភាព ដើម្បីចុះហត្ថលេខាលើកិច្ចព្រមព្រៀងស្តីពីការបង្កើតមជ្ឈមណ្ឌលអាស៊ានសម្រាប់ការប្រែប្រួលអាកាសធាតុ

នៅក្នុងសិទ្ធិប្រទាន របស់រាជរដ្ឋាភិបាល ចុះថ្ងៃទី ១៥ ខែមីនា ឆ្នាំ ២០២៤ បានប្រគល់សិទ្ធិពេញសមត្ថភាពជូន ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន ដើម្បីចុះហត្ថលេខាក្នុងនាមរាជរដ្ឋាភិបាល នៃព្រះរាជាណាចក្រកម្ពុជា លើកិច្ចព្រមព្រៀងស្តីពីការបង្កើតមជ្ឈមណ្ឌលអាស៊ានសម្រាប់ការប្រែប្រួលអាកាសធាតុ ។

ដើម្បីជាសក្ខីភាព នាយករដ្ឋមន្ត្រី នៃព្រះរាជាណាចក្រកម្ពុជា ដោយមានសិទ្ធិពេញលេញតាមអំណាចច្បាប់ បានចុះហត្ថលេខាលើសិទ្ធិប្រទាននេះ ។