មន្រ្ដីឧទ្យានុរក្សស្នាក់ការកំពង់ឃ្លាំង ឃុំកំពង់ឃ្លាំង ស្រុកសូទ្រនិគម បង្ក្រាបបទល្មើសនេសាទ និងព្រលែងកូនត្រី ៦គីឡូក្រាម

មន្រ្ដីឧទ្យានុរក្សស្នាក់ការកំពង់ឃ្លាំងចំនួន៣នាក់ ប្រើប្រាស់កាណូតស្មាច់ចំនួន១គ្រឿង ភ្ជាប់ជាមួយអាវុធCKCចំនួន១ដើម និងគ្រាប់ចំនួន១០គ្រាប់ បានចុះល្បាតនៅចំណុចត្រពាំងជើងគ្រួស UTM407492-1449143 ស្ថិតនៅក្នុងភូមិទាំ្រង ឃុំកំពង់ឃ្លាំង ស្រុកសូទ្រនិគម ដោយបានប្រទះករណីលួចដាក់ឧបករណ៍នេសាទដែលផ្ទុយនឹងប្បញ្ញត្តិនៃច្បាប់ដោយប្រើប្រាស់ឧបករណ៍អ៊ុយស្បៃមុងចំនួន៣គ្រឿង ដែលបង្កឡើងដោយអញ្ញាតជន កម្លាំងល្បាតបានធ្វើការរុះរើឧបករណ៍នេសាទដែលផ្ទុយនឹងបញ្ញត្តិនៃច្បាប់ចោលរួមមាន៖ លូស្បៃមុងចំនួន៣គ្រឿង របាំងសាច់អ៊ុយប្រវែងប្រមាណជា១៥០ម៉ែត្រ បង្គោលចម្រឹងចំនួនប្រមាណជា ៣០ដើម និងព្រលែងត្រីចម្រុះចំនួនប្រហែល ៦គីឡូក្រាម ៕