រុះរើតង់មួយ និងរណាយន្ត ១គ្រឿង ដកហូតទុកជាវត្ថុតាង នៅជាតិ ដែនជម្រកសត្វព្រៃភ្នំសំកុស

ថ្ងៃទី៤ ខែមិថុនា ឆ្នាំ២០២៤ លោក អាត សាវឿន ជាមន្ត្រីឧទ្យានុរក្សការិយាល័យឧទ្យានជាតិ នៃមន្ទីរបរិស្ថានខេត្តពោធិ៍សាត់ដែលកំពុងអនុវត្តគម្រោងកម្មវិធីការពារព្រៃឈើតំបន់ជួរភ្នំក្រវាញ ប្រចាំស្នាក់ការអូរសោមថ្មី បានដឹកនាំកម្លាំង កងរាជអាវុធហត្ថលើផ្ទៃប្រទេស អនុវត្តគម្រោងការពារព្រៃឈើជួរភ្នំក្រវាញ គាំទ្រដោយអង្គការ WA ចុះប្រតិបត្តិការស្រាវជ្រាវ រុករកបទល្មើសធនធានធម្មជាតិ ដែនជម្រកសត្វព្រៃភ្នំសំកុស ទទួលបានលទ្ធផលដូចខាងក្រោម៖

-UTM:០៣១៥៥៥១-១៣៥៧៩៤៨ចំណុចចំណោចថ្ម ភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ ក្រុមការងារបានធ្វើការដកហូតរណាយន្តចំនួន០១គ្រឿង (ធំ)និងរុះរើជំរុំប្រកតង់ចំនួន០១ខ្នង។ វត្ថុតាងខាងលើបានយកមករក្សាទុកនៅស្នាក់ការអូរសោមថ្មី។